Mainstreet Productions | Herfs in Portugal
16631
post-template-default,single,single-post,postid-16631,single-format-standard,ajax_fade,page_not_loaded,,paspartu_enabled,paspartu_on_bottom_fixed,qode-theme-ver-13.2,qode-theme-bridge,wpb-js-composer js-comp-ver-5.4.5,vc_responsive

Herfs in Portugal

Herfs in Portugal

Die see hier is onheilspelend, donker en aanvallend, gevaarlik soos wat swart rotse neus uitsteek onder golwe wat binne sekondes lewens kan insluk en uitspoeg tot op vreemde horison. Dit laat verbysterend in jou gedagtes agter hoe mense, met siel en been in ʼn houtboot kan vaar na die voet van Afrika waar alles leeg en rou was. Maar ʼn mens – siel en been – kan veg teen die diepte van die geheimsinnige waters, maar daar is geen teenstand teen die onveranderlike verganklikheid nie. Dit bly opgesluit in ʼn kis, gebêre in ʼn katedraal in marmer tussen opera; in marmer tussen glas.

Vasco da Gama, geen sin geen sel, geen poeier van die vel, geen van sy deursetting, geen van sy krag, niks, nie eers stof meer oor. Dood. Vergete. Opgesluit in ʼn graf. En hier staan die stad: die Agtergelaat. Die oorblyfsels van drome van konings van werkers van slawe en verlore liefdes… Nou in die lens van die kamera. Kameras van mense oor wêrelde heen. Flikkerende ligte om vas te vang wat lank reeds verbygegaan het… Om vas te vang en weer te vertel: ʼn geskiedenis van pilare, van sandsteen en engele uitgekerf in kerkmure, paleise en strate… en sypaadjies vir die toeris.

Read more…

 

 

 

No Comments

Post A Comment